|
OS FESTICULTORES TROUPE LEVAN O SEU RITMO TRITURADOR A SERBIA ONDE FORÓN A SORPRESA DO “KUSTENDORF INTERNATIONAL FILM & MUSIC FESTIVAL” ORGANIZADO POLO CINEASTA EMIR KUSTURICA.  O pasado 15 de Xaneiro o grupo galego puña a proba o seu poder balcánico nas montañas serbias. As músicas do leste, tal e como a entende a troupe, baixo a mirada do público daquelas terras. Pero os Festicultores puxeron toda a vitela na grella e a súa festa non defraudou a ninguén. O E.G.F.A. amosou un espectáculo baseado no que leva un ano percorrendo as rúas galegas pero con algunha variacións para adaptalo a un esceario e sobrepoñendose as trabas da linguaxe. Rapidamente a festa foise facendo a dona do auditorio de Kustendorf e xa no segundo tema xa ninguén ocupaba a súa cadeira…. ¡Imposible parar sentado ante o ritmo triturador dos Festicultores Troupe!. O momento álxido do concerto viviuse cando Nelle (o cantante da No Smoking Orchestra) subía o esceario para cantar o Bubamara, do que é compositor e quedabase tamén para facer unha versión propia e moi particular do tradicional Bella Ciao. Con todo estos ingredientes Os Festicultores Troupe disfrutaron e fixeron disfrutar os asistentes deixando o listón ben alto para próximas visitas. MAKING OFF
|