Festicultores

O pasarrúas espectacular galego acadou esta fin de semana  o premio que outorga o público, valorado en 4.000 euros, superando a outras oito bandas chegadas de diferentes países europeos, nunha final que destacou polo nivel e calidade dos artistas seleccionados.

Haizetara é un concurso internacional de grupos musicais de rúa, cuxa carta edición  tivo lugar nas rúas de Amorebieta-Etxano (Bizkaia) o fin de semana 19, 20 e 21 de Xuño do 2009.

Un evento que ano tras ano ven gañando en calidade e influencia, e que nesta edición contou cuns altísimos niveis de calidade con artistas chegados de Francia, Bélxica, Portugal, Alemaña, Holanda e España que fixeron as delicias dos milleiros de presentes en Amorebieta.

Xa dende o primeiro pase o ritmo triturador dos Festicultores Troupe se fixo co público presente: As doce da noite, as once da mañá ou as sete da tarde, os Festicultores , acostumados a  ”gherrear”  case baixo calquera circunstancia,  destilaron festa e bo humor, sorprendendo tanto polas súas músicas coma pola súa interacción co público pero sobor de todo pola orixinalidade do espectáculo: “E.G.F.A. o Exercito Gherrilleiro da Festas Armadas”.

Desta volta escapouse o premio principal que recaeu nas mans dunha mais que impresionante La Fanfare en Petard, a banda de Estrasburgo foi a que mais gustou o xurado desta edición, na que, estes o tiveron mais difícil ca nunca.

Deste xeito os Festicultores  pechan unha tempada invernal chea de éxitos e soños conqueridos: tras actuar nas rúas de Nou Barris (Barcelona) por segundo ano consecutivo e tamén por aclamación popular, na Foliada 08; de pechar a xira europea 2008 de Manu Chao e Radio Bemba en Bayona (Francia); de subirse o escenario con Gogol Bordello ou con Fanfare Ciocârlia, entre outros moitos, e de poñer a bailar a tódolos públicos en festas e festivais do norte peninsular;  é agora cando comeza unha nova tempada estival, chea de novos retos, e na que xa contan con gran cantidade de actuacións confirmadas, nas que esperán seguir  facendo disfrutar a todo o mundo que se achegue a festa do poder balcánico da troupe.