Festicultores

Moi poucas veces se dan as circunstacia nas que un grupo totalmente descoñecido sexa ovacionado e se convirta, dun dia para outro, nun dos máis solicitados polo público e por programadores.” 

Pois isto é o que sucedeu ca Funky Style Brass... Tras máis de 100 concertos en Francia desembarcaron no Reperkusión 09 de Allariz, e a pesares de que non o tiñan fácil (actuaban xusto despois da Fanfare Ciocarlia) en menos de dez minutos tiñan a carpa patas arriba.

Máis isto foi só unha pequena mostra dos 90 minutos apoteósicos que siguen a facer nos seus espectáculos, cheos de festa, de forza e de humor que se ampliaron con varios bises a petición do público que pedía máis e máis.

Agora voltan a península da man de Festicultores S.L. para saldar as contas pendentes e confirmarse coma unha das mellores alternativas para festivais e festas que busquen calidade, festa e moita moita diversión!!!.

A Funky Style Brass é un grupo nado as beiras do Garona, na cidade de Tulouse. Adictos de todos os xéneros musicais, da risa e sobre todo do freestyle, esta banda leda, de músicos tocados pola tolemia lles invita a compartir os seus delirios musicais, no esceario, na rúa, no autobús...

Este grupo de 9 músicos formouse en 2006, na esquina dunha rúa, unha tarde de festa  musical. En este encontro rapidamente se creou unha mistura de música festiva, coreada e bailadora.
 
No correr dos anos e diante dun público cada vez máis entusiasta, seu estilo  foise refinando cara unha diversidade musical e escénica que encanta ós pequenos e ós maiores, ós miopes e ós astigmáticos, ós antropófagos e ós herbívoros, de 7 a 77 anos.