|
 Os Festicultores actuarán xunto con Manu Chao e RadioBemba e os franceses La Phaze na Praza de Touros de Bayonne (Francia), os días 30 e 31 de Xullo.
O Exercito Gherrilleiro das Festas Armadas, actuará por primeira vez mais aló dos Pirineos. Tralo éxito acadado polo espectáculo en Galiza e o pasado 20 de Xullo no KESSE'08 de Tarragona, os cultivadores de festas levarán o seu novo espectáculo a Francia no mellor marco posible.
O EGFA, o Exército Gherrilleiro das Festas Armadas anda na procura de reclutas que teñan moito aguante. Só os mellores aspirantes poderán pasa-las probas e ingresar na lexión festeira. Os Festicultores, os rumaníacos da festa rachada, os parrandeiros máis lexendarios da romaría dos últimos anos en Galicia, son os combatentes desta milicia tan especial. Reclutando o peor da cada casa, os festeiros máis guerreiros do país van tomar as rúas, vanse facer fortes cos seus ritmos balcánicos e van dar a batalla bailonga. Sen tregua. Troula ou morte, ata a mañá, sempre. Os Festicultores, van dar máis guerra que nunca, veñen coas armas de festa masiva. Prepárense, a guerra da pachanga xa comezou.
|
|
 FESTICULTORES conta con 3 espectáculos no Circuito da Consellería de Cultura “VAI VERÁN”, no que os Concellos inscritos contan co 60% de subvención para a contratación dos FESTICULTORES TROUPE, MIÑOR SWING e MAGNIFIQUE BANDE.
OS FESTICULTORES TROUPE
Presentando o novo espectáculo o E.G.F.A., Exercito Gherrilleiro das Festas Armadas.
MIÑOR SWING
Cuarteto de corda formado por contrabaixo, violoncello, e duas guitarras. Inspiran seu estilo no jazz manouche, jazz francés dos anos 30.
A MAGNIFIQUE BANDE dos Homes Sen Medo
Pasarrúas de música dixie e balcánica, empurran as rúas co seu ritmo imponente e o seu sentir cigano.
|
|
